శ్రీ దుర్గా సప్త శ్లోకీ స్తోత్రం I అంబ పరమేశ్వరి
శ్రీ దుర్గా సప్త శ్లోకీ స్తోత్రం
శివ ఉవాచ |
దేవీ త్వం భక్తసులభే సర్వకార్యవిధాయిని |
కలౌ హి కార్యసిద్ధ్యర్థముపాయం బ్రూహి యత్నతః ||
దేవ్యువాచ |
శృణు దేవ ప్రవక్ష్యామి కలౌ సర్వేష్టసాధనమ్ |
మయా తవైవ స్నేహేనాప్యంబాస్తుతిః ప్రకాశ్యతే ||
అస్య శ్రీ దుర్గా సప్తశ్లోకీ స్తోత్రమంత్రస్య నారాయణ ఋషిః, అనుష్టుప్ ఛందః,
శ్రీ మహాకాళీ మహాలక్ష్మీ మహాసరస్వత్యో దేవతాః, శ్రీ దుర్గా ప్రీత్యర్థం సప్తశ్లోకీ దుర్గాపాఠే వినియోగః |
జ్ఞానినామపి చేతాంసి దేవీ భగవతీ హి సా |
బలాదాకృష్య మోహాయ మహామాయా ప్రయచ్ఛతి || ౧ ||
దుర్గే స్మృతా హరసి భీతిమశేషజంతోః
స్వస్థైః స్మృతా మతిమతీవ శుభాం దదాసి |
దారిద్ర్యదుఃఖ భయహారిణి కా త్వదన్యా
సర్వోపకారకరణాయ సదార్ద్ర చిత్తా || ౨ ||
సర్వమంగళమాంగళ్యే శివే సర్వార్థసాధికే |
శరణ్యే త్ర్యంబకే గౌరీ నారాయణి నమోఽస్తు తే || ౩ ||
శరణాగతదీనార్తపరిత్రాణపరాయణే |
సర్వస్యార్తిహరే దేవి నారాయణి నమోఽస్తు తే || ౪ ||
సర్వస్వరూపే సర్వేశే సర్వశక్తిసమన్వితే |
భయేభ్యస్త్రాహి నో దేవి దుర్గే దేవి నమోఽస్తు తే || ౫ ||
రోగానశేషానపహంసి తుష్టా-
రుష్టా తు కామాన్ సకలానభీష్టాన్ |
త్వామాశ్రితానాం న విపన్నరాణాం
త్వామాశ్రితా హ్యాశ్రయతాం ప్రయాంతి || ౬ ||
సర్వబాధాప్రశమనం త్రైలోక్యస్యాఖిలేశ్వరి |
ఏవమేవ త్వయా కార్యమస్మద్వైరి వినాశనమ్ || ౭ ||
ఇతి శ్రీ దుర్గా సప్తశ్లోకీ |
అంబ పరమేశ్వరి
అంబ పరమేశ్వరి అఖిలాండేశ్వరి!
ఆది పరాశక్తి పాలయమాం! త్రిభువనేశ్వరి!
రాజరాజేశ్వరి ఆనందరూపిణి పాలయమాం!
శ్రీ జగదీశ్వరి అన్నపూర్ణేశ్వరి చాముండేశ్వరి
శ్రీ లలితేశ్వరి శివకామ సుందరి పాలయమాం!
సరోజ నేత్రీ! శ్రీ కల్పవల్లీ! ఓమ్ కార రూపిణి!
జగదేకమాతా! పాలయమాం!
కంచి కామాక్షి కదంబ వన వాసిని
కాషాయాంబర ధారిణి పాలయమాం
వీణాపాణి! విమల రూపిణీ!
వేదాంత రూపిణి పాలయమాం!
మణి మయ ధారిణి మాధవ సోదరి
సింహ వాహిని దేవి దుర్గా పాలయమాం!
శ్రీ చక్ర వాసిని! త్రిపురసుందరీ!
శ్రీ లలితేశ్వరి! పాలయమాం!
శ్రీ జగదేకమాతా! జగన్నాయకీ!
జగద్రక్షణీ! కరుణ హాసినీ!
కామిత వర ప్రదాయిని!
విశ్వ జననీ! కృపానుగ్రహ వర్షిణీ!
పాలయమాం! పాలయమాం! పాలయమాం!